జ్యేష్ఠ మాసంలో తప్పక చేయవలసినవి..?

వేసవి తాపం ఎక్కువగా ఉండే జ్యేష్ఠ మాసంలో చేసే కొన్ని పనులు అనంతమైన పుణ్యఫలాన్ని ఇస్తాయని పురాణాలు చెబుతున్నాయి. అటువంటి వాటిలో జల దానం, ఏకభుక్తం అంటే ఒక్కపూట భోజనము, చలువ చేసే వస్తువులను దానం,

బాటసారులకు చలివేంద్రాలు ఏర్పాటు చేయడం, దాహార్తిని తీర్చడానికి షర్బత్ లేదా మంచినీరు అందించడం అత్యంత పుణ్యకార్యం.

రోజుకు ఒకేసారి భోజనం చేయడం వల్ల ఆరోగ్యం మెరుగుపడటమే కాకుండా లక్ష్మీదేవి అనుగ్రహం లభిస్తుంది.

విసనకర్రలు, గొడుగులు, చెప్పులు, సత్తు పిండి వంటి చలువ చేసే వస్తువులను దానం చేయడం విష్ణుమూర్తికి ప్రీతికరము.

సూర్యోదయానికి ముందే మేల్కొని స్నానం ఆచరించడం వల్ల సానుకూల శక్తి లభిస్తుంది.

శాస్త్రాల ప్రకారం జ్యేష్ఠ మాసంలో కొన్ని పనులను నిషిద్ధంగా పేర్కొన్నారు పండితులు..

ఈ మాసంలో పగలు నిద్రపోవడం వల్ల అనారోగ్యం, బద్ధకం దరిచేరుతాయి.

వంకాయ తినడం నిషిద్ధం. ఇది శరీరంలో వాత దోషాన్ని పెంచుతుంది. అలాగే అధిక మసాలాలు, తామసిక ఆహారానికి దూరంగా ఉండాలి.

నీటిని అనవసరంగా ఖర్చు చేయడం వరుణ దేవుడిని అవమానించడమే. ఇది ఆర్థిక ఇబ్బందులకు దారితీస్తుంది.

జ్యేష్ఠ మాసంలో చేసే చిన్నపాటి ధర్మం కూడా వేల రెట్ల ఫలితాన్ని ఇస్తుంది. భక్తితో సూర్యారాధన చేస్తూ, తోటివారి దాహార్తిని తీరుస్తూ ఈ మాసాన్ని సద్వినియోగం చేసుకోవాలని ఆధ్యాత్మిక వేత్తలు సూచిస్తున్నారు.